[frame="9 10"]^&)§¤°^°§°^°¤§(&^هي وامها وأبوها واخوها العود خليفه واخوها الثاني حميد وهي عقبهم بدت ريم دراستها وكانت أمها معلمتها على الصلاة وكانت ريم هي وأخونها يحرصون اشد الحرص على صلاتهم وكانوا موفقين في كل مجالات حياتهم ..
كل سنه كانت ريم تاخذ ترتيب الخمس الأوائل..وطبعا خليفه وحميد شراتها لين ما خلصو المرحلة الابتدائية طبعا اخوانها خلصو المرحله الابتدائيه قبل.. المهم مضت الايام وطافت وريم الحين صارت في المرحلة الاعداديه.. وشي اكيد انها انتقلت من مدرستها القديمه لانها الحين بنت الاعداديه هب الابتدائية.. ريم دلوووعه وايد وابوها يحبها وايد من بد إخوانها كلهم المهم حميد بدى يغرز في الدراسة بس ريم وخليفه مشو لكن ريم بدت تتكاسل ومجموعها بدى يقل لكن محبة أبوها عمرها ما قلت الظاهر انها كانت تزيد ونفس الشي ويا خليفه وحميد لكن ويا امهم .. حميد كان يتهرب عن الصلاه بسبب ومن غير سبب لانه كان يماشي شله تعبانه ما تعرف الصلاه وياما نصحه ابوه لين ما عيز منه وابوه الحين صار يهتم بريم وخليفه اكثر لانهم مهتمين بصلاتهم. لما خلص خليفه المرحله الاعداديه رمس ابوه عسب يدخل قسم التجاري والمعروف ان قسم التجاري يبدى من اول ثانوي يعني هب شرات العلمي والادبي اللي يبدون من ثاني ثانوي..
بس ابوه ماطاع وقال له انا ابيك تدخل علمي وتكمل لكن الولد كان في خاطره ياخذ تجاري بس ما حب يكسر كلام ابوه وراح حق حميد وخبره السالفه حميد هب مهتم بدراسته وكان مغرز في أول اعدادي المهم طبعا حميد قال له.. انته ليش مكدر عمرك ومضيق على عمرك عسب دراسه؟؟ طبعا خليفه قال له هيه انا ما اريد الا تجاري والوالد يبيني علمي وانا مالي أي ميول علميه الصراحه المهم تم يشاور حميد وتم يقضي وقته ويا حميد بعد ماكان يقضيه على الدراسه والصلاه وحميد مثل ما تقولون صلاته ضعيفه يعني اكيد صلاة خليفه بتضعف شرات حميد المهم اخر شي حميد حصل الحل حق خليفه وقال له انته الحين اخر السنه بتروح العسكريه صح ولا لاء؟؟
رد عليه خليفه وقال له هيه..
حميد: انا لقيت لك الحل..
خليفه : شو الحل؟؟ قول لي دخيلك..
حميد: شوف انا الصراحه جربت انواع العقاب من صوووب ابويه
خليفه : شو تقصد قول لي بسرعه
حميد: اتريا شوي شوي علي..
خليفه اوكي بس سمعنا هالنصايح والحلووول خلني افج ضيجتي شوي
حميد: مدامك اخر السنه بتروح العسكريه لا تهتم بدراستك وعادي لو رسبت شو يعني؟؟
خليفه: (بطل عينه شرات ليتات السياره ههههههه) وقال له انت شو تقول؟؟ تبيني ارسب واضيع سنه من عمري واقلل من قيمتي جدام الوالد؟؟
حميد:صج انك غبي وبتم مصري دحييييييح ما تفكر الا بعقلية المصريين والزلمات وبس(هذا اللي ذابحنا المصريين والزلمات لووووووول)
خليفه: صج ما عندك سالفه.. شور الحريم اخير عن شورك
حميد: خلني اكمل باجي رمستيه وعقب احكم
خليفه: هات اللي عندك
ريم تدق الباب وتفتحه..
حميد شو انتي ما عندج لا احم ولا دستور؟؟ ما تحشمين اخوانج اللي اكبر عنج؟؟
ريم انصدمت وريم كانت حساسه وايد وزياده عن اللزوم ويوم سمعت رمست اخوها الدموع انترست بعينها لكن خليفه تدخل..
خليفه: حميد شو هالرمسه البايخه؟؟ كله ولا ريماني ترى انا ما ارضى عليها بالمره.. ريماني تعالي الغاليه قولي اللي عندج..
ريم ومن غير خاطر : ماشي بس انا اللي ما عندي لا احم ولا دستور بغيت ازقركم عالعشى
وتصك الباب وراها وتظهر..
حميد وخليفه نزلو عسب يتعشون وطبعا حميد ما كمل باجي الخطه حق اخوه خليفه
عالعشا..
ابو خليفه: خليفه الغالي
خليفه : سم طال عمرك
ابو خليفه سم الله عدوك.. بس بغيت اتخبرك عن علوم الدراسه..
خليفه: الحمدلله ابويه كل شي تمام
حميد: ابويه لو تبي تتخبر عن دراسة حد اتخبر عن دراستيه انا هب خليفه الزلماااتكه
بو خليفه: ههههههههه هيه صدقت لازم ايي صوبك فديت خليفه ما بيخيب رجايه ادري به لكن انت الله يهديك غرزت بدراستك وياخوفي لا توصل ويا ريماني او تغلبك في الدراسه.
ريم نقعت من الضحك .. هب من الرمسه لا غياظا في حميد اللي هزأها
حميد: اضحكي لين ما تشبعين.. من يضحك اولا يبكي اخير.
ريم: ههههههههههه والله يا حميد ضحكتني زين منك حافظ هالرمسه انا احيدك ما تحفظ شي.. الا اشعار حب وغرام وهيام هههههه
ام خليفه: ريمووووووووه كفي شرج عن حميد بسكم من الصبح كلكم طايحين فيه
حميد: فديت امايه الغاليه انا هي الوحيده اللي واقفه في صفي ولا الباقي كلهم طايحين قرض فيني
بو خليفه: انت ولد امك وخلك ويا امك بنشوف وين بنوصل
حميد اكيد بوصل يا ابويه مدام امايه ورايه.. ولا انت ما سمعت اللي يقول وراء كل رجل عظيم امرأه
بو خليفه سمعت سمعت يا وليدي لكن بسكم من الرمسه الزايده اللي مالها معنى وتعشوا وانتوا ساكتين
تعشوا العرب وخلصو عشاااهم وكل راح داره لكن حميد راح صوب غرفة خليفه يبي يكمل له بااجي الخطه ولما راح دخل غرفته من غير لا يدق الباب.. فحب خليفه يرد فيه نفس الحركه اللي سواها في ريماني..
اول ما دخل حميد قال له خليفه:
وين العرب اللي عندها احم ودستور؟؟ وين الاتيكيت ياراعي الذوق ؟؟ جي تدخل من غير لا ادق الباب وتوك تواجع ريماني وتقول لها ما عندج احم ولا دستور لانها دقت الباب؟؟
رد حميد: انا اللي ما عندي احم ودستور تعرف ليش؟؟ لاني ياي بكمل لك باجي الخطه
خليفه مشكور خل باجي الخلطه لين باجر انا باجر عندي مدرسه.
حميد: أي خلطه يابو التنقيعات انا قلت خطه هب خلطه
خليفه : انت بس فالح تتصيد غلطات العالم ياخي انا نعسان وابي ارقد يللا اجلب ويهك وروح غرفتك
وراح حميد غرفته.. وناموا العرب.
اليوم اللي عقبه حميد في مدرسته وخليفه في مدرسته وريم في مدرستها..
خليفه سارح في الحصه ويفكر بخطة حميد ويبي يعرف تكملة الخطه والاستاذ طايح شرح.. في مادة الرياضيات وبيني وبينكم يمكن هاي الحصه الوحيده اللي حميد يستانس فيها لان فيها عمليات حسابيه وهذا يعني انها شي قريب من قسم التجاري
هذا خليفه خلونا نشوف حميد شو يالس يسوي..
حميد: نصور لا تنسى عقب الحصه هاي شرده من المدرسه
ناصر: صار بس اقووول ترى حمد ابو الزيغه يبي يخاوينا في الشرده
حميد: لا حوووول هذا كل مره يقول بخاويكم بخاويكم واخر شي يفضحنا ويرد
ناصر: لا شكله هالمره بيسويها
الاستاذ: حميد ناصر في ايه؟؟ لو في أي سؤال اسألوا مش عيب ان الواحد يتعلم ولا أي رايك يا حميد؟
حميد: شورك وهداية الله
الشباب في الصف كلهم يضحكون.. طبعا على رد حميد.. الأستاذ غيض على حميد بس ما قال له شي كمل الشرح تدرون ليش؟؟ لانه يدري ولو تم ياخذ ويعطي هب مستفيد شي الا ضياع الحصه والقهر
ننتقل حق مدرسة ريم حبيبة ابوها..
ريم في الفسحه مع علايه ونوره وبيني وبينكم علايه وحده عليها حركات يعني صايعه و شي غريب ان وحده شرات ريم ووحده شرات نوره يماشونها..
وهم في الفسحه ما عندهم شغل الا شوفي فلانه وشوفي حركات علانه
ومن بين بنات المدرسه كانت علايه مهتمه حق امر وحده منهن اسمها موزه .
ريم ما اداني البنت اللي اسمها موزه بالمره وكانت دومها تسأل علايه شو تبى بموزه علايه تقول اتسلى .. ونوره ترد عليها: شو تتسلين ما لقيتي الا هاي؟؟ هاي اسأليني انا عنها انتي ما تعرفين أي شي عنها لانج يديه في المدرسه. (حركات بنات المدارس)
ونوره كانت مهتمه لامر وحده اسمها نوال.. وتحبها واايد
وبعد ريم ما كانت تحب نوال بالمره يمكن لانها كانت تاخذ عنها نوره طول الوقت يعني غيرة بنات.
واكيد تبون تعرفون ريم كانت تهتم لامر منو صح ولا؟؟
ريم الله يسلمكم كانت مهتمه ولكن بشكل غير مباشر بوحده من بنات صفها.. وكانت تقضي وقتها وياها يوم نوره تروح عند نوال.
اليوم نوره ويا نوال.. وعلايه ويا موزه وريم محد عندها بس ما حبت تقول حق ربعيتها اللي في الصف انها تبي تمشي عندها لان ربيعاتها كل وحده منهن بتروح ويا ربيعتها .
ريم يلست بروحها في الصف وحاولت تلهي عمرها بالجيم بوي( بنات اخر زمن ) بس الجيم بوي ما كانت تيي وياها المدرسه الا يوم ربيعاتها بيروحن عند نوال وموزه
نرد حق حميد
حميد شرد هو وناصر وحمد
حميد: ايها الشباب الى اين المسير؟؟
نصور : الى ذاك الحصير
حمد: لا بل الى تلك الحمير
وتموا يضحكون
حميد: شو رايكم أي كافتيريا نروح؟؟ محارة البحر؟؟ ولا تبونا نروح مروش؟
نصور: محارة البحر احلى وارخص
حمد: لا انا اريد مروش
حميد: امممممم بنسوي قرعه اوكي يللا حد عنده درهم؟؟ محد رد حميد: صج انكم عيال فقر عن ابو درهم ما عندكم بس يللا ما عليه اختاروا منو يبى الدله ومنو يبى الدرهم؟؟
حمد: انا اريد الدله
نصور : رضينا بالدرهم
حمد: على محارة البحر يللا ماشي مروش ولا شو رايكم بمطعم هندي يسوي لنا براته
نصور: عن السخافه يللا محارة البحر
راحوا وكانت الساعه 12 الظهر تغدوا وخلصوا وعقبها راحوا جمعية النادي السياحي يمكن يلاقون حد حق المغازل.
حميد: اريد اعرف شو اللي يعيبكم في هالجمعيه؟؟
نصور: حبيبي مغازل لا غير
حميد: صج انك ياهل شو تبى ببنات العرب؟ خلهن في حالهن ونحن في حالنا
حمد: حميد اونك الحين بتستوي لي شريف مكه؟؟
حميد: لا شريف مكه ولا غيره بس عيب علينا نسوي جذي
المهم وكملوا مشيهم في الجمعيه وربعه طايحين مغازل في هالكم بنت اللي كانو هناك.
حميد عليه جمال فظيع.. ما شاء الله عليه وكان احلى واحد من شباب العايله
المهم طاف اليوم وخليفه وصل البيت وراح على طول غرفة حميد عقب ما سلم على امه..
لكن خليفه ما لقى حميد في غرفته وراح صوب امه وسألها عن حميد قالت له ان للحين ما وصل.. ع قب نص ساعه وصلت ريم من المدرسه وسلمت على امها وصعدت غرفتها تصلي وتبدل
وصل حميد البيت العصر خليفه عقب ما رد من الصلاه راح حق حميد لقاه في سابع نومه
المهم مر اسبوع وخليفه ما يعرف باجي الخطه
في اجازة الاسبوع حميد وخليفه ظاهرين رايحين مدينة زايد الرياضيه عسب يحضرون احتفال رياضي وكان الوقت ايام الشتى .. خليفه شاف ربعه وراح عندهم وحميد كان متفق ويا نصور وحمد ان بييهم هناك . راحوا الشباب ويلسوا و ربع حميد اتخيروا المكان اللي عند منصة الحريم عسب يغازلون( مستغلين الوضع) المهم وهم يالسين فجأه تييهم بنت وتروح صوب حميد وتقول له: السلام عليك
حميد: مصدوم ومغيض في نفس الوقت وعليج السلام
البنت: اقول اخويه ممكن خددمه؟؟
حميد: خير ان شاءالله؟؟
البنت: انا بمووت من البرد لو سمحت عطني جاكيتك!!!!!!
حميد: احلفي بس؟؟ بتموتين من البرد وبتاخذين جاكيتي؟؟ وعقب ما تتدفين انا بموت من البرد اجلبي ويهج اخير لج
نصور وحمد: فاجين حلوجهم وعيونهم .. واول ما راحت البنت الاثنين يقولون: جان طلبت جاكيتي والله ما يغلى عليها
حميد: ههههههههه والله بنات اخر زمن اونه بتموت من البرد ويايه تشحت جاكيتي حد ضربها على يدها وقال لها تعالي من غير جاكيت؟؟ بسكم خلوها تولي وخلونا نشووف باقي الفعاليات
والشباب الحين مندمجين مع المطربين وحالتهم حاله الا تيي البنت اللي بتموت من البرد ومعاها وحده ثانيه وكان الهدف هالمره هو نفسه حميد ما غيره البنت اللي يت حق حميد المره اللي طافت وقفت شوي بعيد وربيعتها راحت لحميد وسلمت عليه
البنت: انت شو اسمك؟؟
حميد: ليش؟؟ تحقيق وانا ما ادري؟؟
البنت: لا والله جد انت شو اسمك؟؟
حميد: جد ولا عم
البنت دخيلك قول وغيرت نبرة صوتها
حميد: انا اسمي حميد ليش؟؟ لا يكون مضيعه اخوج وانا ما ادري؟؟
البنت انزين حميد ممكن اعرف رقمك؟؟
حميد: شو تبين اقول اختيه تراج مضيعه الدرب هب هني؟؟ الدرب هناك ذاك الصوب
البنت : يا الله على رقم؟؟
حميد: لو تبين ترمسين شباب عندج حمد ونصور
البنت : لا اباك انته ما ابا ربعك
حميد: لا حول خلينا يا بنت الحلال نتابع الاحتفال
البنت هاي اخر رمسه؟؟؟؟؟
حميد: وما عندي غيرها
وراحن البنات وحميد يرمس عمره : عمري ما شفت بنات قليلات حيا شراتهن وين اهلهن عنهن؟؟
كملوا الحفله ورجعو البيت حميد يرمس خليفه: شخبار الزلمه ويا الدراسه؟؟
خليفه: صح حميد ذكرتني الله يذكرك بالجنه شو باجي الخطه ترى انا اموت واعرف
حميد: خلها عقب االامتحانات
خليفه: لا الحين اريد اعرف
حميد: لا خلها عقب الامتحانات
خليفه : صار
بعد كم يوم الامتحانات امتحانات نص العام
مرت الامتحانات بسرعه وظهرت النتايج والكل نجح حتى حميد!!
عقب الامتحانات وعقب النتايج رد خليفه حق حميد
خليفه: حميدوه ترانا خلصنا الامتحانات والنتايج ظهرت قول لي الخطه..
حميد: والله يا اخي العزيز انت تبلي بلاء حسنا لذلك الخطه لا تصلح لاشكالك فأنت يا ابني مصري من الدرجه الاولى والاولي لك ان تس(يقاطعه خليفه)
خليفه: اقول ما في داعي حق المصخره وقول باجي الخطه تراك ذليتني
حميد: طيب يا ابني.. ان عقلي المدبر يقول لي ان انصحك بهذه النصيحه
خليفه: وما هي؟؟
حميد:انت اخر السنه ومثل ما قلت لي بيودونك تدريب العسكريه صح وبتعسكر هناك صح؟؟ ادري صح وما في داعي تقول لي صح ومثل ما قلت لك سابقا ان انا جربت عقاب ابويه اللي ما اثر فيني ابدا.. بس خلوف انتبه انا بقولك الخلطه على قولتك بس لا تقاطعني بليز
خليفه: اوكي
حميد: انزين انته دام انك بتروح في معسكر ارسب انت بتروح مطمن ما تعرف النتيجه ناجح ولا راسب ابوك هو اللي بياخذ الشهاده ويوم بيشوف النتيجه ما بيرمسك واول ما ترجع من العسكريه بيكون متوله عليك وبينسى النتيجه
وعقبها بيعطيك كلمتين نصح وارشاد وما اظن يطبق عليك عقاب وان سألك عن النتيجه تعرف شو تقول ؟؟
خليفه : شو؟؟
حميد: قول له يا ابويه ترى انا ما كان لي خاطر بالعلمي عسب جي ما فلحت وانا نجحت النص الاول عشان خاطرك انا يا ابويه اريد التجاري وان ما فلحت في التجاري لك حق تزعل عليه
خليفه: والله حلك صعب بس حلو..
حميد: كيف جي؟؟
خليفه: حلو اني بقدر ادخل التجاري وصعب ومر لان سنه من عمري بتروح عالفاضي
حميد: عيل انقلع عن ويهي وسر كمل علمي ولا عمرك بتاخذ التجاري
خليفه: مشكوووور ومع السلامه
حميد: لا تنسى تييب لي هديه
خليفه: بايخه
راح خليفه يفكر بالحل وما ادري شكله حس انه حل مقنع ومضى النص الثاني بسرعه واهمال خليفه كان مبين وواضح
اخر العام وعقب الامتحانات بدى خليفه يتزهب حق العسكريه ويتشرى الاغراض لين ما توكل على المعسكر كان خليفه ايي كل اربعاء ( حاليا يروحون ويردون في نفس اليوم)
يوم الاحد راح ابو خليفه يستلم نتايج عياله
راح اول شي يشوف نتيجة ريم وقلنا ان مستواها بدى يتدنى بس مع هذا طلعت السادسه واستانس ابوها وعقب راح حق نتيجة حميد ويوم شافه ناجح طار من الفرحه ويوم راح حق نتيجة خليفه انصدم لانه كان راسب و بشرف بعد لانه راسب بكل المواد الا الرياضيات والانجليزي.
حميد طااااااااير من الفرحه لانه ناجح وريم فرحانه بعد بس زعلانه عسب خليفه .
لما رد خليفه يوم الاربعا ابوه ما قال له شي وتم مكتم عالموضوع لان خليفه بيرد يوم السبت العسكريه
ويوم خلصت العسكريه وتسلم خليفه الشهاده والبيزات راح وتشرى هدايا حق امه وحميد وريم اشترى حق امه خاتم وغواشي وحق حميد وريم عطور وراح حق ابوه وعطاه الف درهم وهو خذ الخمسميه اللي بقت له من الالفين بس ابوه ما طاع ياخذ البيزات وردها لخليفه لانه هو احق فيها
خليفه : ابويه بتخبرك النتايج ما ظهرت؟؟
بو خليفه: ظهرت يا وليدي
خليفه: بشرني يا ابويه ( وهو شاق الحلج)
بو خليفه: ما شاءالله عليك يا وليدي ما فلحت الا فمواد التجاري والباجي راسب
خليفه: ابوووويه شو تقول انا راسب!!!!!( يالعيار تعرف عمرك راسب بس تمثيل في تمثيل)
بو خليفه : زعلتني منك يا وليدي هذا وانا اللي قايل انك ما بتخيب رجايه؟؟
خليفه: ابويه انا اسف بس هذا اللي صار غصبا عني انا ما عندي ميول علميه او ادبيه انا ميولي تجاريه .. لو اني بالتجاري الحين لك الحق يا بوي تزعل بس هذا اللي انت طلبته مني وانا ما قدرت عليه .. ابوي سامحني
بو خليفه: مسموح وسو اللي تبيه وانا غلطت يوم قلت لك كمل علمي
خليفه: افا عليك يا ابويه
وتفاهمو عالسالفه
ومرت السنين وخليفه الحين صار ثانويه عامه وريم وحميد صارو ويا بعض في نفس الصف في ثالث إعدادي وحميد كان ايي حق ريم عسب تكمل دفاتره وتحل له الواجبات وريم ما غير تكمل وتقول له انا حاضره رغم تهديدات امها انها بتخبر ابوها عليها.
المهم اليوم الكل يتريا نتايج الثانويه العامه وخليفه وبنت خالته ويا بعض ثانويه عامه يحاتون نتايجهم واول ما ظهرت النتايج خليفه: 86,7%
وبنت خالته 84,5% واستانسو ب هالنسبه الحلوه وطبعا سوو الحفلات والعزايم.. وابوه عطاه هديه سياره يديده وامه عطته بيزات كم ما ادري؟؟
الحين ريم وصلت اول ثانوي هي وحميد ويدرسون ويا بعض واخوهم خليفه في الكليه .
خلونا نبتعد عن خليفه وحميد ونقرب صوب ريم
ريم كانت تحب ولد عمتها من يوم ما كانت اول اعدادي.. بس كانت ساكته وما بينت له هالشي الا في ثالث اعدادي والسبب كانت علايه لان علايه كانت تتعرف على شباب وترمسهم وعسب جي تمت تقول حق ريم انها تخبر ولد عمتها عسب يحس فيها.. ريماني كانت تعرف ان ولد عمتها منصور كان يحب وحده ثانيه وهي تعرف عنها اسمهاو بس وما تعرف أي شي ثاني عنها ومع الايام عرفت ان منصور يرمسها في التلفون وان في رسايل من بينهم بس ريماني ما قالت شي حق منصور منصور كان يعرف ان ريم تحبه بس هو كان يحبها شرات خواته هب اكثر ريماني من زود ما تحب منصور كانت تكتب في اشعار اذا زعلت منه او اذا ما التقت وياه او اذا ما رد عليها يوم ادق له.. وفي يوم من ايام العيد ريماني قررت تعترف حق منصور لكن القرار هذا ياها فجأه وهي ترمسه
ريم: مرحبا
منصور: حي هالصوت هلا بريماني
ريم وهي مستانسه: هلا فيك اشحالك
منصور: بخير عساج بخير
ريم: عيدك مبارك وكل عام وانت بخير
منصور: الله يبارك فيج وانتي بخير وسهاله وعساج من العايدين بس تو الناس اليوم نحن ثاني يوم عيد وينج البارحه وليش ما دقيتي لي تعيدين عليه؟؟
ريم استانست وقالت هذا دليل حبه انه يعاتبني
ريم: والله يا منصور راجع تلفونك بتلقى اني داقه عليك بس انت الله يسامحك ما طعت ترد عليه
منصور: اسمحيلي يا شيخة الحريم والله كنت ويا الربع ظاهرين وما سمعت التلفون وهو يرن انا اسف
ريم: مسموح .. منصور انت وين؟؟
منصور: رايح القريه العالميه شي تامريني عليه؟؟
ريم : سلامتك
منصور: واخبارج بعد وشو مسويه؟؟
ريم: بخير الله يسلمك
منصور: ريماني اسمعي هالمقطع اهداء
ريم تخبلت بس المقطع هب واضح كل اللي فهمته ما ابيك تغيب عن حياتي.. وهذا كان يكفيها
ريم: تسلم تعرف انا سو اهديك؟؟
منصور: شو؟؟
ريم: اغنية راشد يا حبيبي
منصور: فديتج انا
ريم: من الفحره سكتت وعينها دمعت لانها سمعت هالرمسه من منصور
منصور: الحلو بلاه ساكت؟؟
ريم: ماشي بس تدري منصور
منصور: امرررريني
ريم: شي بخاطري اقوله لك من اربع سنين بس هب قادره
منصور: شو قولي اللي بخاطرج..
ريم: ليتني اقدر اقول هالكلمه
منصور: شو يعني
ريم: ولا شي
منصور: اوكي ريماني بخليج الحين الشباب محتشرين علي
ريم: اوكي الغالي دير بالك على عمرك
منصور: صار طال عمرج
وراحت ريم تفكر وعاشت بعالم ثاني عالم غير عالم ما فيه الا منصور اللي تحبه وماكان شي يكدر خاطرها الا سالفة احلام اللي يحبها.
مرت الايام وراحت ريماني عند بيت عمتها..
ام منصور: حيا الله ريم شيخة الحريم
ريم: اله يحيج اشحالج عمتيه؟؟
ام منصور: الحين تسألين عن احوالي وينج غاطه شهرين حتى العيد ما ييتينا؟؟
ريم: شو اسوي ظروفي غصبا عني
ام منصور: ما عليج وين ييتي اليوم عسب انشوفج
ريم راحت صوب البنات وهي ترمس شما بنت عمتها يدخل منصور
ريم تيبست بمكانها ما عرفت شو تسوي ..
منصور مد ايده وسلم على ريم وريم مدت يدها ومنصور تم ما سك ايديها ومب طايع يهدها لين ما شما سحبت ايديه
وهم يالسين منصور يالس وياهم وطا يحين سوالف يدخل عبيد اخو منصور الاصغر عنه وهو تقريبا بعمر ريم ويسلم وييلس هو الثاني.. ويدقون سوالف عقب عبيد خلاهم وراح وفجأه منصور سكت وحط راسه عالشبريه في غرفة شما وتم يفكر وريم بن دقيقه ودقيقه تناظره وحسته متكدر واول ما رقد منصور..
ريم: شما بلاه منصور؟؟ احس به متكدر
شما: منصور متضايق
ريم: شو منه؟؟
شما: اممممممممم خليها عقب ما في داعي الحين
ريم: اكيد احلام ما غيرها
شما: شو دراج
ريم: احسااااااااسي
شما: احلام هدت منصور ومنصور هالكم يوم متضايق
ريم: وليش هدته؟؟
شما: تقول ان ما تبي تسوي مشاكل ويا هلها وخاصه ان اخوها ربيع منصور..
ريم: اها الحين فكرت هالنحسه؟؟
شما: عااااااااااشو
ريم: صج والله حرام عليها اللي تسوي بمنصور هاي ما تستاهل منصور فقدتها السباله
شما: اعصابج اعصابج
المهم طاف اليوم وريم ردت البيت وعمتها وصتها انها ما تقطعهم مره ثانيه
طافت الايام وبدت الامتحانات ونجحت ريم لكن حميد ما نجح وريم راحت ثاني ثانوي ودخلت قسم الادبي اما حميد حول على التجاري
مر النص الاول ونجحت ريم وطلعت الرابعه وقبل بداية الفصل الثاني بيوم ريم راحت بيت عمتها عسب تشوف منصور وتشوف شما وشو عندها من اخبار عن منصور.. راحت ريم وتلاقت ويا عيال العمه وشافتهم كلهم ودقتها يلسه حلللللللوه منصور وعبيد وشما ونوره وريم ( نوره بنت عمتها الصغيره) منصور وعبيد طا يحين قرض في نوره ونوره ساكته واخر شي ريم حست ان نوره متضايقه وقالت حق عبيد ومنصور.. بسكم عاد والله ان ما سكتوا عنها ما نقعد عالعشى الليله عندكم .. عقب سكتو عن نوره
وفي الليل ردت ريم البيت ويوم الخميس دقت حق منصور وصار موعد رمستها الرسمي ويا منصور.. وفي مره من المرات وهي ترمس منصور يتها الشغاله تزقرها عالعشى.. ردت عليها ريم وقالت لها ما اريد.. منصور.. شو بلاج ريمووه؟؟
ريم: ما بلاي شي بس هاي الشغاله يايه تزقرني عالعشا..
منصور: انزين سيري تعشي..
ريم: مو مشتهيه
منصور: لا سيري تعشي اخير لج
ريم: والله اني كلت المغرب ومالي خاطر في الاكل الحين
منصور: قلت لج روحي تعشي
ريم: ما اريد كيفي ما اريد اتعشى
منصور: لا هب بكيفج
ريم: كيف منو عيل؟؟
منصور: بكيفي
ريم: يهمك هالشي؟؟
منصور: اكيد
ريم: ما ادري متى الله بياخذني وارتاح من عذابي
منصور: شو قلتي؟؟ شو هالرمسه؟؟ ريماني يوم تعرفين ترمسين شرات العرب دقي علي اوكي
ريم: طوط طوط طوط منصور بند الخط في ويهي!!
ريم : برد ادق له لا يكون زعل؟ ريم ادق عليه وما يرد عليها
ريم استغلت وجود خالها وخذت تلفونه ودقت على منصور..
منصور: الو
ريم: قبل لا تبند في ويهي شرى قبل شوي اسمعني للاخر
منصور: من غير خاطر شو؟؟
ريم: انت تحبني ولا لاء؟؟
منصور: ما عنده جواب وساكت
ريم: ادري انك ما تحبني لكن ليش تعلقني من البدايه وياك؟؟ ليش تبين لي انك تحبني؟؟ وليش كل ما ارمسك تتفداني وتقول لي احبج؟؟ ليييييش؟؟ منصور يوم انك هب قد رمستك ليش تجذب علي وبدت ريم تصيح.. وتلوم منصور ومنصور ساكت.. وما عنده أي جواب
ريم: ادري ما عندك رد لكن انا ما بقول غير ربي يسامحك وبس
بعد كم يوم ريم ما قدرت تمسك عمرها وردت ودقت حق منصور لكن منصور كان متضايق من رمستها وما رد عليها ولما دقت المره الثانيه لقت تلفونه مغلق
اليوم اللي عقبه ردت ريم ودقت عليه وبعد نفس الحاله.. اخر شي قررت انها ترمس شما وتعرف شو اللي صار.. وخبرتها شما ان منصور متضايق وايد من اللي صار
ريم بندت .. لكن ردت ودقت له وقالت له انا اسفه عاللي صار ما كنت اقصد بس انت تعذبني من غير ما تحس وفوق هذا كله تبيني اسكت؟؟ حرام عليك..
عالعموم انا داقه عليك اتأسف واقولك اسمحلي.. ومع السلامه
منصور : مع السلامه
ريم بدت تنسى السالفه شوي شوي وبدت تركز عالدراااااسه لان الامتحانات قربت..
يوم امتحان الجغرافيا ما بقى حد في البيت الا ريم بروحها ويا الشغاله..ريم قامت ودقت حق شما وتمت ترمسها وعقب رمست عبيد ونوره واخر شي رمست منصور وتمت تنكت وياه وتتمصخر عليه وعقب ردت ترمس عبيد وصكرت التلفون عقب ما شبعت سوالف وردت تدرس لين ما خلصت..
ظهرت النتايج..وريم نجحت لكن حميد لا.. اما خليفه قرر انه يشتغل ويكمل الدراسه بنفس الوقت لانه يبي يعرس بحبيبته فاطمه.. لكن امه ما طاعت له وتمت تواجعه وتقول له لو ان ما عندك بنات عم او خاله او عمه بقول ماعليه ..(هاللي ذابحهم بنت الخال والخاله والعم والعمه)
مرت الايام وريم الحين وصلت لثالث ثانوي ولازم تشد حيلها.. عسب النسبه الحلوه..كانت وياها بنت خالتها ثانويه عامه وريم ما كانت تبي تييب نسبه اقل عن بنت خالتها..تمت ريم تدرس وبدت تنسى او تتناسى سالفة منصور..لين ما خلصت الثالث الثانوي ويابت نسبه كانت 80,9% وماتت من الصياح لانها كانت تبي نسبه اعلى بس هذا هو قدرها.. ابوها استانس على نسبتها لان هو قال لها ابيج تيبين لي نسبه من 80 وفوق.. لكن ريم حمدت ربها يوم شافت العلامات..وطبعا تلفون البيت ما سكت الكل يتصل بها ويهنيها والغريبه هالمره ان عبيد بعد دق لها وبارك لها .. وتدرين اجازة الصيف كانت ملل واللي بيزيدها ملل انها ما بتسافر السنه.. وما كان عندها شي تسويه الا انها تقعد عالنت ولا شغله ولا مشغله.. وكانت اغلب وقتها تيلس وتسولف ويا عبيد ومنصور والباجي بو لابس ما تسوي لهم سالفه..المهم قربت الاجازه تخلص.. وملجة ولد خالتها قربت.. وسافرو قطر لان الملجه كانت في قطر وسافرو وردو بالسلامه وبعدين بدت ريم تجهز حق الجامعه .. يعني تدرون كشخة الجامعه بدل وعبي وشيل وشنط ..الخ..
وبدت الجامعه وراحت ريم الجامعه واستانست لان بنت خالتها وياها وربيعاتها وياها … ولما كانت ريم يالسه ويا ربيعاتها في الكانتين حست بهز الموبايل في شنطتها راحت الحمام عسب تشوف المسج.. بطلت المسج وكان من عند منصور وكان مكتوب.. ( خوفي من اليوم اللي بتوقف فيه على قبري,,, وتقول هذا الذي بالامس كان يحبني) ريم ماتت من الفرحه.. لان هالمسج من منصور.. هني ريم تاكدت ان منصور يحبها.. بس هي ماكانت تعرف كيف تتعامل وياه..ونحن للحين ترى في بداية السنه الجامعيه.. ريم كانت تروح السوق بشكل يومي عسب يزهبون حق عرس ولد خالتها.. وفي يوم من الايام اللي كانت فيها يالسه على النت دخل منصور الماسنجر وتمت تسولف وياه.. بس منصور بدى يستخف بدمه ويقول لها انا هب منصور.. قالت له ريم.. اكيد عبيد.. منصور: لا
ريم: عيل منو
منصور: انا عبيد
ريم: لا عبيد اسلوبه غير..
لا يكون انته حمدان؟؟( حمدان ربيع منصور الروح بالروح ويعرف كل شي عن منصور.. ما ادري يمكن هو اخو منصور وانا ما ادري)
منصور: يا حماره انا منصور
ريم: انا حماره؟؟!!!!( شوي وبتصيح)
منصور: هيه انتي حماره انا ولد عمتج كيف تقولين اني حمدان؟؟
ريم: مشكور وما قصرت يجي منك اكثر باي
وظهرت من المسن وراحت ودقت على عبيد وقالت له السالفه.. ريم في فترة الاجازه ما بين الثانويه والجامعه كانت ترمس عبيد وايد وعبيد كان يدق لها بشكل شبه يومي..
ريم: هلا
عبيد: مرحبا الساع هلا ريماني
ريم: اشحالك
عبيد: بخير اشحال انتي
ريم: تمام
عبيد: تمام؟؟ أي تمام هذا.. صوتج يقول انج مضايقه
ريم: لا هب متضايقه
عبيد: هب علي
ريم: منو غيره يعني؟؟
عبيد: منو؟؟
ريم : منصووووووووور
عبيد: اووووووووه شو صار؟؟
ريم خبرته السالفه بالتفصيل وتمت تقول حق عبيد.. انا ابوي اللي ابوي عمره ما قال لي حماره ايي منصور ويقول لي حماره..
عبيد: والله لو تبين شوري اسكتي عنه والبسيه ولا تردين ادقين له مره ثانيه..
ريم: انا هب داقه ولا ني بسائله فيه.. خليه ينقع..
عبيد: بنشوف.. بس والله يا ريماني لو تبين نصيحتي لا ادقين له ما يستاهل.. منصور بيني وبينج مغرور وشايف عمره وانتي مسوتله سالفه زياده عن اللزوم وهو ما يستاهل..
ريم: الله يسامحه.. المهم عبيد بخليك انا بروح ارقد..
عبيد : ربي يحفظج
ريم: ويحفظك..
طافت السالفه.. وفي يوم من الايام ريم كانت رايحه الشارجه ويا امها وخالتها وابوها..
استغلت ريم الوضع ودقت حق منصور.. منصور ما رد عليها..
ريم طرشت له مسج.. رد علي اريد اقولك شي
منصور رد وطرش لها.. ما اقدر ارد مشغول ومضايق
ريم: منصور انا اسفه اذا ضايقتك
منصور: اذا ضايقتيني؟؟ شو شايفتني اهبل اخلي حمدان يرمسج..
ريم: منصور لا تنسى انك قلت لي حماره وانا ابوي ما قالها لي
منصور: اوكي وبعدين؟؟
ريم: الظاهر اني بيي بيتكم الحين
منصور: انا هب موجود في البيت
ريم: عيل رد علي
منصور: اقول لا تعبين عمرج لا تيين ولا ادقين ولا اطرشين مسجات لاني ما برد عليج..
ريم انصدمت من ردة فعل منصور وكلامه وانفجرت من الصياح وراحت ودقت على شما وتسألها اذا كان منصور موجود في البيت ولا لاء شما قالت لها ان منصور في البيت وقامت ريم وقالت السالفه حق شما..
شما قالت حق ريم.. تبين رايي انسي شي اسمه منصور.. منصور ما يستاهلج انتي تحبينه وهو يلعب باعصابج..خليه.. وصدقيني باجر هو بيندم
ريم ما تحملت رمسة شما اللي زادت الطين بله وبندت عنها وتمت تصيح لين ما يتها خالتها تسألها شو فيها..ريم قالت لها ان شوية صداع هب اكثر
مرت الايام .. وعبيد يدق حق ريم كل يوم وريم ما قدرت تخش عن عبيد شي .. وخبرته السالفه.. عبيد قال لها: ريماني.. انتي ليش ما تسمعين الرمسه؟؟ انا ما قلت لج لا ادقين له؟؟ هذا ما يستاهل.. هذا وقته حق حمدان وبس..
ريم: شو اسوي؟؟ ما احب حد يزعل مني..( ماتحبين حد يزعل منج ولا انتي اللي تحبينه)
بيني وبينكم عبيد كان يعرف ان ريم تحب عبيد بس كان يستهبل ويبين لها انه ما يعرف شو اللي بينهم..
المهم عبيد تم كل يوم يرمس ريم.. وما يمر يوم الا ويرمسها.. وريم من زود الرمسه كانت تمل.. او تنشغل وما كانت ترمس عبيد..وكانت تغلق تلفونها ايام..اذا سألها عبيد تقول له ان تلفوني كان ضايع او أي عذر ثاني..مرت الايام وعبيد بدى يتعلق بريم اكثر واكثر.. عبيد كان يحب ريم,, ريم كانت حاسه بس هب متاكده منه..عبيد يتعذب وريم مرتاحه لانها بدت تنسى منصور.. مره من المرات دق عبيد حق ريم وقالت له ريم انا بدق لك عقب.. قال لها عبيد دقي لي على البيت.. ريم قالت له صار.. ولما دقت ريم عالبيت رد عليها منصور..
ريم: السلام عليك.
منصور: وعليج السلام هلا
ريم: اهلين كيف الحال؟؟( والعبره خانقتها)
منصور: بخير
ريم: وين .. وسكتت
منصور: تبين شما؟؟
ريم: لا خلاص باي
وقعدت ريم تصيح
اشوي الا يرن موبايلها وعبيد هو اللي كان داق..
ريم ردت بس ما تكلمت .. تمت تصيح وعبيد يزقرها..
عبيد: ريم.. ريم.. ريماني؟؟ ريماني انتي تصيحين؟
ريم:………………… ………………….
عبيد: ريماني دخيلج لا تصيحين.. دموعج غاليه علي..
ريم:………………… …………………
عبيد:ريماني انا برمسج عقب انتي الظاهر تعبانه.. باي
رد عبيد ودق عليها عقب ربع ساعه ما قدر يتحمل.. وريم هب طايعه ترد عليه..ويدق مره مرتين وثلاث… لكن ماشي فايده
عبيد ما عرف شو يسوي.. دخل النت قال يمكن القاها .. لكن ريماني ما دخلت..
اتريى عليها عبيد دخلت الساعه عشر يعني عقب ساعتين ونص من اللي صار.. واول ما دخلت عبيد استغرب من النك
كان النك مالها: متى اموت انا ويرتاح العالم من همي؟؟
عبيد حس انها متضايقه بالقو سلم عليها وظهر
تعرفون شو سوى؟؟
عبيد دس راسه في المخده وقعد يصيح.. لان ريماني متضايقه ولان ريماني هب حاسه فيه بالمرره( يغمض) تم على حاله هذا طول الليل.. وفي اليوم الثاني راح حق امه ,,
عبيد: امايه..
ام منصور: هلا حبيبي
عبيد: امايه انا اريد اعرس
ام منصور: شو تعرس ؟؟ تو الناس..
عبيد: ليش امايه؟؟
ام منصور: توك للحين ما اشتغلت وين تبى تعرس؟؟ الزواج مسؤوليه..
عبيد: تدرين منو اللي اباها؟؟
ام منصور: منو؟؟
عبيد: اريد ريماني بنت خالي
ام منصور: بس ريماني كبيره عليك
عبيد: أي كبيره؟؟
ام منصور: بينكم سنه وتقول لي هب كبيره؟؟
عبيد: لا يا امي هب سنه شهر وكم من يوم وبعدين الرسول تزوج خديجه وهو عمره 25 وهي عمرها 40 يعني ما فيها شي لو انا تزوجت ريماني.
ام منصور: يصير خير..
ريم في الجامعه ويا ربيعاتها داقه سوالف ما عندهم شي.. بريك ويالسين وكل وحده تسولف عن شي.. وفجاه ريم تفتح بوكها ويشوفون البنات صورة واحد غاوي.. والكل قام عليها منو هذا ريماني؟؟ لا يكون ريلج؟؟
ريم: حسبي الله على ابليس وعلى لقافة الحريم
أي ريل أي خرطي؟؟ هذا اخوي حميد..
مي: قطططط
ريم: كملي يا ماما ليش سكتي؟؟
مي: (مستحيه) لا ولا شي
ريم: ادري اخووي قطعه.. حد منكن تباه؟؟ بيوزها حقه ههههههههههههه
ردت ريم البيت واستلمت النت ودقت سوالف وعقب راحت درست ويوم خلصت نزلت الصاله.. راحت صوب امها تسألها عن خليفه.. قالت لها امها ان خليفه للحين مارد.. وعن حميد.. قالت لها ان حميد في المدرسه ( يدرس مسائي والصبح يشتغل) رد حميد وعقبه خليفه وراحت ريم حق خليفه دقت وياه شوية سوالف وعقب خبرته انها باجر تبي تطلع تغير جو ويا اخوها خليفه.. وخليفه وافق..
اليوم اللي عقبه مرخليفه على ريم الجامعه وخذها وداها المارينا.. خلاها تتسوق وعقب وداها شاميات تعشوا وردوا للبيت..
واول ما وصلت ريم البيت المسن على طول وكان عبيد يترياها.. وهالمره كان نك عبيد غريب على ريماني..
(حبيبي يكفي حرمانك..ترى جرحي بدى يكبر)
ريم حست انها هي المعنيه بها النك بس سكتت وطبعا ريم بعدها على النك مالها.. ( كتى اموت ويرتاح العالم من همي)
عبيد السلام عليج
ريم: وعليهم يا مرحبا بهم..
عبيد: اشحالج؟؟
ريم: بخييييييير وانت اشحالك؟؟
عبيد: دام انتي بخييييييير انا بخير
ريم: دوووووووووووووم ياربي هب يوووووووووووووم قول امين
عبيد : امين
فجاه دخل نك غريب على ريماني..
(لا تنسوني يوم اموت)
كان عبيد..
ريم: عبيد شو هالنك البايخ؟؟
عبيد: يشبه النك ماالج
ريم: عبيد غيره.
عبيد: ريماني.. بسألج سؤال
ريم: تفضل
عبيد: لو مت انا بتصيحين علي؟؟
ريم: انت شو تقول؟؟
عبيد: جاوبيني دخيلج..
ريم حست انها يالسه تعذب عبيد لانها تحس فيه وتدري شو بخاطره بس مطنشه شعوره ..
ريم: عبيد اكيد بصيح.. انت ولد عمتيه وشي طبيعي اني بصيح.. اذا كانت ربيعتي اللي هي ربيعتي يوم ماتت صحت كيف ما اصيح عليك.. بس لا تقول هالرمسه الله يطول بعمرك
عبيد: بس ريماني..
ريم: شو؟؟
عبيد: لو صحتي انا بتعذب.. ريم هني ما قدرت تمسك عمرها وبدت تصيح..
ريم: عبيد انت شو تقصد؟؟ انت تبي تصيحني؟؟ قول؟؟ لو تباني اصيح بصيح ..
عبيد:…….ريماني
ريم: عبيد انا بطلع انا ما اروم ايلس زياده..
عبيد: ريماني لا تطلعين انا ما صدقت القاج
ريم: عبيد مع السلامه
وظهرت ريماني وهي تصيح.. وتمت تفكر وتلوم عمرها وتقول انها هي اللي وصلت عبيد لها الحاله.. وان هي اللي خلته يقول هالرمسه.. هني ريماني بدت تحن حق عبيد وتقول عبيد دوم يسأل عني ويتكدر لو عرف اني متكدره.. حرام اللي انا اسويه فيه.. وبدت تتجاوب وياه..وهي ترمس عمرها وصلها مسج من عبيد ( سهرت الليل وانا اشكي..على جرحي جلست ابكي .. كتبت اسمك على صدري..نزف جرحي وانا ما ادري) ريم ما عرفت بشو ترد عليه..
وتمت ريم تفكر في عبيد.. واخر شي رقدت من التعب والتفكير..
مرت الايام وقرب عيد الاضحى.. وقبل العيد بيوم راحت ريم بيت عمتها بس ما لقت عبيد.. لقت منصور وهذا اول لقاء لهم عقب سالفة حمارهاللي صارت عالنت.. ريم كانت عادي ومنصور كان باااااااااارد وياهاوردت ريم البيت وما شافت عبيد..دق لها عبيد في الدرب.. ريماني ليش ما قلتي لي انج بتيينا اليوم؟؟
ريم: والله ما كنت اتوقع انا بنمر عليكم.. ابوي من غير ما يقول لنا مر على بيتكم انا ااسفه
عبيد: ما عليج بشوفج عقب يوم..
ريم: ان شاءالله
وبندو
في الليل عبيد دق حق ريم.. وتم يسولف وياها ويقول لها وين بيروح ويا ربعه باجر وعقب هالرمسه الاثنين صخو محد منهم يرمسلكن عبيد كسر هالصمت وقال
ريماني انا بخبرج شي
ريم: قول انا اسمعك
عبيد: انا….
ريم في خاطرها ما بغيت تقولها يللا قووول
عبيد: انا ريماني
ريم: انت شو؟؟
عبيد : اوووووووه خلاص ولا شي لو اقدر ارمس برمس
ريم: براااايك
وبندو بس قبل لا يبندون عايدو على بعض..
اليوم الثاني عقب صلاة المغرب..
عبيد: هلاااااااااا
ريم: يا مرحبا يا ناعم الصوت والعود
عبيد: احيا بصوتك يوم هاتفك ياني..
ريم: عيدك مباارك هههههه
عبيد: سبقتيني.. علينا وعليج.. عساج من العايدين
ريم: وانت من الفايزين
عبيد: ريماني اقوووووووول
ريم: امررر
عبيد:انا رايح القريه.. شي في خاطرج؟؟
ريم: هيه
عبيد: اطلبي..
ريم: اريد اروووح
عبيد: افا عليج ما طلبتي الحين بضرب الخط وبييج
ريم:ههههههه اسولف وياك
عبيد: افا
ريم : ما اريد شي اريد سلااااامتك وبس
عبيد: ان شاءالله يللا بخليج الحين
ريم: اووكي ربي يحفظك
وبندو وريم راحت عند يدها ويدتها تسولف عندهم ويوها بنات خالتها
وتمو سوالف وضحك لين الساعه 2 بالليل وعقب كل واحد راح بيته عقب اسبوع ريم راحت حق ابوها تقول له انها تبي تتشرى لها شوية اغراض وانها تبي عطور.. قال لها ابوها: دوج هذا مفتاح السياره بتلقين كيس مدبس هالكيس لج هديه..
ريم حست ان هالكيس من عبيد بس ما يابت طاري
خذت ريم الكيس وبطلته لقت فيه غرشتين عطر ورش حق الفراش.. ريم ما عرفت شو تسوي؟؟ وشو تهدي عبيد!!!
بطلت ريم العطور وتمت تشمهن وردت الكيس باللي فيه للكبت وتمت تقول في خاطرها احبك يا عبيد
وتريت ريم عبيد يدق لها لكن عبيد ما دق.. استغربت ريم!!
دقت حق شما تسألها عن عبيد رد عليها عبيد ريم انصدمت
عبيد: هلا
ريم: اهليم
عبيد: هيه ادقين حق ناس وناس ونحن لا؟؟
ريم: افا منو قال؟؟
عبيد: انتي
ريم: لا انا ما قلت..انت اللي تييب من عندك ..
عبيد ما عليه.. خلاص دوج شما رمسيها..
ريم: عااشو عصب عبيد وزعل..
عبيد: لالا زعلت ولا شي
وتمت ترمس عبيد يمكن ساعه وبندت.. عقب
مرت الايام وهم على هالحال كل يوم لازم يرمسون اقل شي ساعه بس بدون ما يطرقون لامور الحب.. او الاعتراف لكن عبيد كان يلمح حق ريم وايد وبشكل واضح..
الحين ما بقى شي على نهاية العام الدراسي ما بقى الا شهرين..
في يوم من الايام وريم يالسه.. ياها ابوها وقا ل لها يللا بنروح عند عمتج لانها متولهه عليج وعمج بعد يبي يشوفج..
قلت له ابويه ما اقدر..عندي دراسه..
بو خليفه: بتردين ابوج؟؟
ريم: ماعاش اللي يرد بوخليفه انا وياك وين ما تبى..
بو خليفه: ترانا الليله بنقعج هناك وهب رادين الا باجر
ريم: تم يا بو خليفه اللي تامر عليه..
تجهزت ريم وراحت هي وابوهاولما راحت هناك عبيد كان محد.. راحت ام منصور ودقت عليه وقالت له ان ريم موجوده.. عبيد طار من الفرحه ويا البيت بسرعه..
وصل عبيد وسلم على ريماني عبيد مستانس وريماني بعد.. فجاه عبيد ظهر من البيت ريماني استغربت .. ليش عبيد ظهر وانا موجوده؟؟ لكنها تناست الموضوع لما ظهرت ويا بنات عمتها وردو البيت الساعه 8 بالليل وعبيد للحين ما وصل؟!!
الساعه 9 يلسوا وتعشوا .. وريماني ما كلت بس يلست وياهم عالسفره..
وصل عبيد.. ولما راحت ريماني تيلس وتسولف عنده في غرفة خواته.. قال لها اطلعي برع..
ريماني: حتى انا تقول لي اطلع؟؟
عبيد: الكل.. كل اللي موجود يطلع برع
ريماني طلعت.. وبعد شوي.. زقرها عبيد..
ريم: ها شو تبى؟؟
عبيد: اونج زعلتي ههههههه
ريم: لا لا زعلت ولا شي
عبيد: عيل يللا جدامي نتعشى..
ريم: انا تعشيت
عبيد: هب علي.. ام منصور: ما تعشيتي ولا شياته خل عنج
ريم: اوكي اتعشى وامري لله
تعشوا وخلصو عشى.. وعبيد ما شل عينه عن ريم.. وريم بتموت من المستحى..ريم ظهرت تمشي في حوي البيت.. ظهر عبدالله وراها وتمو يمشون.. وجدام لقو نوره ومنصور يالسين ويسولفون قال لهم منصور.. تعالو يلسوا خلونا نسولف,, ردت ريم.. لا المشي اخير من اليلسه.. منصور .. يلسو وخلونا نسولف.. تموا يسولفون لين ما منصور وشما ظهرو ونوره راحت ترمس ربيعتها .. تمت ريم تمشي ويا عبيد وعقب عبيد يلس.. سألته ريم عبيد ليش تيلس؟؟ عبيد: تعبت من المشي.. اوقفي جدامي..
ريم: عبيد قوم نكمل مشي.. عبيد ما رد عليها وتم يناظرها ريم ما عرفت وين تودي ويها..وتمت تترجى عبيد انه يمشي..
قام عبيد وتمو يمشون شوي.. ريم حست ان عبيد تم يمد ايده عسب يمسك ايد ريم.. وريم تفاعلت وياه..ومسكت ايديه هني عبيد طار من الوناسه.. وتم ويا ريم يسولف وياها وهو ماسك .. وعقب وصل منصور ووصلت شما..ويلسو وتموا يدقون سوالف..وكانت الساعه 11 بالليل..يلسوا وياهم.. وريم كانت يالسه حذال عبيد مستنده على ايديها فوق الحصير وعبيد يالس شراتها ومسكو ايديهم مره ثانيه.. تمت ريم تهمس في اذن عبيد وتقول له:
عبيد عيونك فيها كلام وكلام وايد.. لو في شي في خاطرك قول ولا تخبي..
عبيد: اممممممم لا مافي شي
ريم: متأكد؟؟
عبيد: ريماني قومي نمشي..
تمو يمشون لين ما وصلو ورى البيت تموا يالسين ويا بعض كل واحد يناظر عين الثاني.. وساكتين اخر شي ريم قاطعت السكوت وقالت:
عبيد قول اللي في خاطرك..
عبيد: انا لا انتي ابدي بالرمسه..
ريم: ظني انا اللي سألتك هب انت
عبيد: امممممممممم ما عرف شو اقولج بس ممكن اعرف شو اللي في خاطرج؟؟
ريم: اللي في خاطرك.. في خاطري
عبيد: شووووووووو شو قلتي؟؟
ريم: عبيد خف صوووتك
عبيد: شو قلتي دخيلج عيدي..
ريم: اقول لك اللي في خاطك في خاطري
عبيد: محد غيري انا؟؟
ريم: لاااااااااااااااااا
استانس عبيد وكمل مشي ويا ريم.. ريم الظاهر نست عمرها وهي ويا عبيد.. تدرون شو سوت؟؟
ريم حطت راسها على كتف عبيد.. وعبيد كملها.. حط راسه على راسها!!!(الحمد لله الذي عافانا من الحب لوووووول)
تم ماشي وياها وهو ماسك ايدها..
عبيد: ريماني..
ريم: هلا
عبيد: انا مب مصدق عمري.. ريماني بخبرج شي..
ريم: قول
عبيد: انا كتبت اسمج وكان الحبر دمي
ريم: عبيد
عبيد: عيوونه
ريم: ليش جي؟؟
عبيد: لاني.. وقبل لا يكمل رمسته يت شما ووياها منصور هم بعد ملو من اليلسه وقاموا يمشون..
منصور اللحين يحب وحده ثانيه.. وقريب بيخطبها..
الساعه الحين قربت تيي عال2 بالليل وشما تواجعهم وتقول لهم يللا نروح نرقد .. وريم معانده وتقول لاااااااااا ماشي رقاد الا يوم بيأذن الفير..
وصدقت ريماني.. ما خلتهم يرقدون الا عقب الصلاه..
عبيد ما قدر يرقد.. عبيد تم يالس لين الساعه 8 وعقب رقد لين الساعه تسع اما ريم رقدت الساعه 6 ونشت الساعه 7 ونص.. وتمت يالسه وتتذكر يالسة الليل.. وكيف كانت ليله حلوه
اليوم اليمعه وعبيد بيروح الصلاه بس قبل لا يروح يصلي.. راح عند ريماني..
عبيد: ريماني..
ريم: هلا
عبيد: شو رايج بها العطر؟؟
ريم: ريحته تجنن ريحة دهن العووووود
عبيد: تراه هو دهن عوووووود
ريم : تمت تضحك( مشكله الحب)
راح عبيد الصلاه .. وعقب الصلاه تغدو.. وراحت ريم تمشي في الحوش.. ياها عبيد..وتم يمشي وياها بس هني احترموا عمرهم من غير لا يمسكون ايدين بعض.. تموا يمشون .. ويسولفون لين اخر شي عبيد قرر يعترف..
خذ عبيد التلفون من يد ريم.. وكتب لها
أ
ح
ب
ج
ريماني قرت المسج وويها استوى احمممممر شر الطماط وتمت تمشي ويا عبيد وهي ساكته.. قرب عبيد صوب اذنها وهمس لها احبـــــــــــج
هني ريم ويها حمر زياااااده.. لان عبيد نطقها..هذا كل اللي اعرفه للحين..
تدرون ريم يتني وتقول لي: قالها قالها قال احبك قالها ,, قالها قالها اخيرا قالها مو مهم انه همسها المهم انه قاااااااااااااااااااااااا الها..
الله لا يفرقهم ان شاءالله ويجمعهم في الدنيا والاخره:…:
اخوكم عاااااااااااااااااااااااا اااااااااااااااااابد^&)§¤ °^°§°^°¤§(&^[/frame]