بنات شو..؟ رايكم في كلامهاا.

تقول احد الاخوات:
ماب اتكلم بأسلوب وشسمه بأتكلم بأٍسلوبنـآ كـ بنـآت..

بنـآت..

مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..

بنات لبسو عبايات كتف وبناطيل و و و لكن ايش..

تركو السوق والتلفزيون والاغاني وجو للمسجد ..

وشو معنى هذا..!

مو معنى المسجد

يمكن صليتي في بيتج ورفعتي يدج ودعيتي من قلبج ..

وبـ ذلك بكيتي والشيخ يدعي..

تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }

وتسمعين { سبحان من ستر القبيح واظهر الجميل },,

تسمعين يقول { سبحانك تطاع فـ تغفر وتعصى فـ تغفر }..

تبكين من قلبج او يعورج قلبج..

تحسين انج صح كذا تحسين فجأه انج ولا شي

يعني شو سوينا نحس ان نحن مغترين بأنفسنا..

تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده ..

معقوووووول.!

هيه ، ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..

بنات الى متى انا وانتو جي..

قسم بالله مهيب حاله يعني يجيني حاله اقول ودي اني بعهد الصحابه ..

الى متى ونحن بغفلتنا ..

نصلي ونبكي و و..

يجي العيد وبعد العيد ونرجع لخنبقتنا وننسى ..

طيب انا وانتي خلينا نفكر بـ شي من الحين دام الهمه فيني وفيج الحين..

مثلا نسوي صندوق بالبيت او في غرفتج كل يوم حطي درهم ..

بدل هالجيبس اللي كل يوم تيبن 4 للشله..

نتبرع بدرهم للصندوق …

و درهم على الدرهم تصير 10..

تدرين ليش درهم عشان ماتثقل عليج واللي لها قدره الله يجزاها خير..

وعطيها مثلا هاللي ينظفون بالاسواق ولا سواقكم ولا شغالتكم ..

تراهم ماجو هنا الا للحاجه..

واذا كانت تتعنفق ولا تنافخ ..

خلي قلبج اكبر واكسبيها باجر ربي وماجوووووووووره,,

ولسانج ..

اللعن ..

كالعاده ..

شفتو ابله فلانه الله ….. تستهبل هي وواجباتها..

ولا الدكتور/هـ ودي اذبحها الله ………

ولا اخوي الحمـ…. فصل النت .الله …….

عودي نفسج تتركين ها العاده ..

اذا لعنتي فجأه عاقبي نفسج واستغفري 40 مره مثلا =)..

واحسني خلقج مع أي احد..

تدرين الابتسامه لها اجر..

تمر وحده من جنبج .. لاتمدين الكشره متر ..

لا ابتسمي..

انا مره رحت مكان ماعرف احد فيه وفيه بنت ابتسمت لي تمنيت اني هي..

الابتسامه لها دوووووووووووووووووور..

عبايتج..

انتي عارفه خطأج اكيد بس خليني اقولج عن شي..

مره كانت فاطمه بنت النبي تبكي من قلبها وتصييييييييييييييييييح..

جتها عائشه رضي الله عنهم جميع..

تقولها مابالك .!

اقولج شو قالت ..؟!

قالت بمجمل كلامها .. الحين إذا انا مت وشالوني الرجال بييبن جسمي وبيبان خصري

يعني شكل جسمي بيبان..

اذا فاااااااااااااااطمه بنت الرسول جي تفكيرها

وهي الحين ميته..

ونحن العبايه واسعه لكن مع الشنطه وشد العبايه مع الخصر يبان كل شي

بنات تكفون خلونا نتغير ..

وربي ماراح ينفعنا شي..

واللي ابتلت بالفونات مع الشباب ولا المسن..

تأكدي هالشخص اذا انحطيتي بقبرج وجاءج ربي يقولج وسألج ليش سويتي جي .

وش ردج عليه..!

بنات والله ماينفعج ..

تدرين ليش اقول جي .. لاني اعرف كثير وعارفه هالشي صعب..

لاكني احبج ..

لاني احس انه شي صعب بس من ترك شي لله عوضه الله خير منـه..

اتركيه هالشخص ووضحي له انج تعدلتي..

شي احسن من لاشي ..

صح علي..

حاولي و حاولي وحاولي..

وادعي لربج قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..

بنات..

تكفون .. =)..

عدلي لو شي واحد وادعي لربي لنفسج دائما..

صح ولا انسى الاغاني والافلام الامريكي والكوري..

اذا انحطيتي بقبرج ما بيسألو عنج ..

بتنحطين بقماش وذنوبج معاج..

حاولي انج دايم تذكرين ربيعاتج بالجنه والاشياء ..

تخيلو اليوم سمعت عن قصه ..

في اثنين أصحاب ..

كانو قاعدين بمكان

المهم..

قامو يتكلمون عن الجنه والنار والخ.!

واحد دمعت عينه بذكر النار خاف منها..

بعدها بمده توفى صاحبنا ..

وجاء لخويه بالحلم ..

قاله صاحبه يافلان وش اخبارك..!

قال اخباري..

انا بالفردوس الاعلى اعلى شي بالجنه..

قاله صديقه ليه..؟

قال تذكر يوم نقعد نسولف انا وانت وذكرنا النار ودمعت عيني..

هذا اللي دخلني الجنه..

شفتي ربي قد شو كريم..

وربي ربي شي كبييييييييييييييييييييييي ير..

بنات..

طولت عليكم..

بس وربي ضايق صدري ع حالنا هالبايخ..

تكفون خلينا نتحمس سواء ونتعدل مع بعض..

الله يخليكم..

لي طلب اخيرا..

بس ارسليه لاقرب شخص لج..

اللي تحبينها وتخافين عليها..

من نار جهنم..

خذي اجر لو سمحتي..

واذا بغيتي تحطينه بمدونة بتصيرين بطله…

نزلت هالموضوع لان كل كلمه قالتهاا صح
وبعد نصائح اللي قالتهااا نادره وثمينه

واخيراً..

لاتنسووني من دعاءكم