=(( أدري ))=
!!!!!!
أدري إني ما قدرت أوصل لقلبك منتهـــــاه
وادري إنك ما قدرتي تنسي حبّك لـ وّلـــي
صعبه جدا ياليالي تقتلي حبي فـ صبــــــاه
كان لازم م البدايه أدري قلبك ما هو لـــــي
قلبي آنا من عرفتك وانتي سبّة كل عنــــاه
وما قدرت اقنع شعوري أرتقي بك واعتلــي
كان قلبي حيل طاير وسافر بعالي سمــــاه
وظن ليله راح يشرق يطوي همه وينجلـــي
للأسف خابت ظنونه ياليالي في هــــــــواه
ما حسب إنه يدور ف دائرة قلب خلــــــــي
حب غيري في خفوقك ضيّع قليبك وتــــاه
وآنا حبي لك تربع في جبالي واسهلـــــي
حب قلبك ياليالي باع ودّك ما اشــتــــــراه
وآنا بعت الكون كلّه لجل قلب يحن لـــــــي
ما أبي ألقى بقايا من دمار خلّفــــــــــــــاه
إرحلي عني دخيلك ياخي والله إرحلــــــي
كنت ساعي في خفوقك أعتقه من كل أساه
وكنتي دايم في شعوري تستهيني وتهملي
خابت الهقوات والله والأمل ضايع رجــــــــــاه
ود غالي لك نخيته وما أظنك تجهلــــــــــــي
دام انك ما قدرتي تنهي ذلّك مــــــــــن وراه
عيشي في عالم عذابك واستذلّي واعذلي
وما أبي أسكن بقلب هشمه حبه بغبــــــاه
ولا أبي بعد المذله قلبك انتي يرق لــــــــي
وصدقيني مثل قلبي ما تلاقي في عطـــاه
واسمحيلي من خفوقي صار لازم ترحلــــي
بــ قلم /
خليفه المعولي